Parveen Shakir’s Urdu Ghazal Khushboo:

Koo-ba-koo phail gai baat shanasai ke

Us ne khushboo ke tarah mairy pazerai ke

 

Kasaiy keh doon keh mujhay chore deya us ne

Baat to sach hai magar baat hai ruswai ke

 

Wo kaheen bhe geya lota to mairay pass aya

Bas yahee baat hai achi mairay harjaey ke

 

Tairay pehloo tairay dil ke tarah abad rahay

Tujh pe guzray na qayamat shab-e-tanhai ke

 

Us ne jalti hui paishani pe jab haath rakha

Rooh tak Aa gai taseer masehai ke

 

Ab bhe barsaat ke raton main badan toot’ta hai

Jaag uthti hain ajab khwahishain angrai ke!!!

Parveen Shakir Urdu Poetry collection

 

Share/Bookmark